द मिलेनियर क्लब दुबई यांच्या वतीने दिला जाणारा मिलेनियर लाईफ स्टाईल अवॉर्ड पुरस्कार वितरण सोहळा आज दुबई येथे संपन्न झाला. लोकनेते दौलतनाना शितोळे साहेब यांच्या “आपत्ती व्यवस्थापन संघाच्या” माध्यमातून हजारो लोकांचे जीव वाचविण्याचे कार्य केले याची दखल घेऊन आंतरराष्ट्रीय स्तरावर संस्थेचा गौरव केल्याबद्दल मिलेनियर क्लब दुबई यांचे शतशः आभार. आज पर्यंत आपत्ती व्यवस्थापन संघ या संस्थेच्या माध्यमातून अनेक नैसर्गिक आपत्तींना तोंड देत असताना हजारो लोकांना जीवदान देण्याचे काम या संस्थेने केले आहे. उत्तराखंड येथील भूस्खलनामध्ये तब्बल 4000 लोकांचे जीव संस्थेच्या स्वयंसेवकांनी प्राणाची बाजी लावून वाचविले तसेच 2019 साली सांगली येथे आलेल्या महापुरामध्ये हजारो लोकांना सुरक्षित स्थळी हलविण्यासाठी आपत्ती व्यवस्थापन संघाचे अनेक स्वयंसेवक त्या ठिकाणी कार्यरत होते माळीन सारख्या नैसर्गिक आणि दुर्दैवी घटनेमध्ये रेस्क्यू करून 300 हून अधिक बेवारस मृतदेहांचे योग्य प्रकारे अंत्यसंस्कार करणे तसेच अनेक गुन्ह्यांमध्ये मृतदेहाचा शोध घेण्यासाठी प्रशासनाची मदत करण्यात संस्था नेहमी अग्रेसर असते.अनेक ठिकाणी गुन्ह्यांची उकल करत असताना प्रशासनास प्रचंड अडचणी येतात परंतु आपत्ती व्यवस्थापन संघाचे प्रशिक्षित स्वयंसेवक या कामांमध्ये स्वतःला झोकून देऊन अतिशय सफाईदारपणे ही कामे पार पाडतात. आजही नागरी समस्यांच्या बाबतीमध्ये रोड अपघात या समस्येने अत्यंत भयानक स्वरूप धारण केलेले असताना आपत्ती व्यवस्थापन संघाचे स्वयंसेवक रोड अपघातामध्ये जखमी झालेल्या व्यक्तींना हॉस्पिटल पर्यंत पोहोचविणे. अपघात होऊ नयेत यासाठी मार्गदर्शन शिबिरे आयोजित करणे अशी अनेक कामे संस्थेच्या माध्यमातून सातत्याने चालू आहेत.2012 साली लावलेले हे इवलेसे रोपटे आज इतक्या भव्य आणि दिव्य स्वरूपात उभे आहे. भविष्यातही आपत्ती व्यवस्थापन संघाच्या माध्यमातून नैसर्गिक आणि मानवनिर्मित आपत्तींच्या ठिकाणी आपल्या प्राणाची बाजी लावून सर्वसामान्य लोकांचे प्राण वाचविण्यासाठी आपत्ती व्यवस्थापन संघ नेहमीच कटिबद्ध राहील.रॅमी डाउन टाउन हॉटेल दुबई या पुरस्काराचे वितरण आज संपन्न झाले.आजही अपघातग्रस्तांना मदत आपल्या संस्थेच्या माध्यमातून सुरु आहे. समाजाला आपण काही देणे लागतो या भावनेतून काम करत असताना पुरस्कार निश्चितच दहा हत्तीच बळ देऊन जातात.